Početna NBANBA: Smrt ciljanom gubljenju utakmica

NBA: Smrt ciljanom gubljenju utakmica

od Darko Dželetović
70 pregleda

Odbor guvernera NBA lige danas je usvojio nova anti‑tanking pravila koja uključuju proširenje draft lutrije sa 14 na 16 timova, uvođenje takozvane ‘relegacione zone’ u kojoj zadnja tri tima dobijaju umanjene šanse za prvi pik na draftu, zabranu timovima da u tri godine imaju top 5 mjesto na draftu, kao i dodatne ovlasti komesaru Adamu Silver da po njegovom nahođenju kazni timove koji se ne budu povinovali novim pravilima i nastave da ciljano gube. Silver je dobio prava da nestašne franšize kazni sa potencijalnim monetarnim kaznama do 10 miliona dolara ili čak i oduzimanjem njihovih budućih draft izbora.

NBA već godinama pokušava smanjiti namjerno gubljenje utakmica svojih timova koji ubijaju integritet lige i interesovanje navijača zbog nastojanja da dobiju što bolje šanse za visoke izbore na draftu. Ovaj novi paket pravila kojeg zovu “3-2-1” uvodi ključne promjene s kojim više timova ima šansu da uskoči u top 4, manje je „sigurnih“ pozicija za najgore ekipe, pa se smanjuje motivacija da se bude među najgorima u ligi. Najradikalniji dio je relegaciona zona koja se može prevesti kao ‘zona ispadanja’. Memfis je jedini glasao protiv novih pravila jer imaju izbor Jute u draftu naredne godine i ova nova pravlila im ne idu na ruku jer će izgubiti izbor za kojeg su Juti dali Džerena Džeksona juniora. Posljednja tri tima u ligi ulaze u tzv. relegation zone ce imati manje šanse za prvi pick nego timovi iznad njih, pa ova nova pravila nose simboličnu poruku: „Ako si najgori, nećeš biti nagrađen.“

Ovo je potpuno suprotno staroj logici NBA‑a, a i ostalih profesionalnih sportova u Americi, po kojoj je najgori tim imao najveće šanse za prvi pik na draftu.

Glavni cilj lige je da regularna sezona napravi zanimljivijom uz prekid navika nekih franšiza da godinama stagniraju pri rezultatskom dnu u nadi za boljim izborom na draftu.

Photo: Printscreen, NBA

Možda će vas interesovati

Ostavite komentar